• Admin

第一次飲精釀啤酒會覺得偏苦?

Updated: Sep 21, 2020



好多新客人會問,喂,Tony! 有無啲無咁苦嘅精釀啤酒啊?嗱,我就唔會同你講唔鐘意苦咪quit囉。不過抗拒苦味之前,我哋要了解啤酒入面苦味是點樣產生,仲有如果無苦味嘅啤酒又會係點呢。


精釀啤酒嘅苦味來源

首先,苦味來自啤酒花(hops),啤酒花自身嘅alpha同beta acid分別提供苦味同香氣,釀酒師會係煮沸麥汁嘅同時按時間投入不同嘅啤酒花,啤酒花係被加熱嘅時候會產生一種名為iso-alpha acids嘅物質,係啤酒裡苦味嘅主要來源。通常,啤酒花被煮沸的時間愈長,麥汁(wort)就會愈苦。而beta acids則主要提供啤酒嘅香味,釀酒時有一種叫作dry-hopping嘅技巧,即係啤酒發酵時投入大量酒花,因為當發酵時酒花並沒有被加熱,所以並不會大量增加苦度,但會為啤酒提供不同嘅香氣,例如大眾普遍嘅花香或果香(香氣可以再被分類同仔細形容,下期有機會再講)。


傳說中嘅「麥味重」

釀酒師會為了平衡啤酒嘅甜度而在釀酒不同步驟時根據酒款和佢想要嘅味道投放不同數量和不同品種嘅酒花,若果啤酒內沒有加入啤酒花,就會沒法用苦度來平衡麥汁嘅糖分,亦令整體味道變得單調,成為真真正正嘅「麥味重」!


睇IBU嘅重要性 選擇啱自己飲嘅精釀啤酒酒款

咁我們應該點選擇啤酒時不會被「中伏」呢?我們會睇International Bitterness Units (IBU)量度啤酒內啲苦度,數字愈高代表愈苦,大部分時候,大眾常常提起嘅IPA都會較苦,這當然係因為這種酒款加入了較多的啤酒花。IPA全名為India Pale Ale - 印度淡愛爾。其中一個說法是啤酒係大概18世紀由英國傳入印度,但係當時運輸並不發達,所以當啤酒到達印度時已經變壞,其後人們發現啤酒花有保質效果,而且較高酒精度會令啤酒不易變壞,於是運往印度的啤酒就加入了較多啤酒花和調高酒精度,亦被叫作India Pale Ale。今時今日大部分美式IPA嘅IBU都會係55至70的範圍內,如果你覺得IPA較苦,可選擇IBU比呢個範圍低嘅酒款。


#缸門直出 #香港精釀啤酒 #香港手工啤酒 #啤酒花 #麥味重 #今朝今酒今晚飲 #缸缸好

156 views0 comments

Recent Posts

See All