• Admin

甜甜地易入口嘅本地蜂蜜酒 女生必試!



唔少本地手工啤酒廠都有推出蜂蜜酒(Mead),甜甜地易入口,而且酒精感低,十分適合女仔飲。正正因為蜂蜜實在太百搭,無論係茶類飲品定甜品,大家都一定試過,所以就算係第一次接觸蜂蜜酒嘅朋友都好容易想像得到入口大概係咩風味,相對其他手工啤酒類亦較容易被接受。

蜂蜜酒係點釀造?

蜂蜜酒顧名思義係一種用蜂蜜作為主要原材料發酵而成嘅酒,據說最早可以追溯到公元前7000年,係中國北部發掘出來嘅器具發現到由蜜糖和米發酵後嘅殘留物質。由此可見其實蜂蜜酒和啤酒一樣,歷史十分悠久。


四大種類 百變風味

蜂蜜酒大概可以分為四大類別:傳統(Tradition),水果(Fruit),香料(Spice)同埋特色(Specialty),之後再細分為不同種類。


傳統蜂蜜酒:純粹使用單一或不同的蜜糖發酵而成。


香港城釀 - 蜜月啤酒花蜂蜜酒

在發酵後期投入了啤酒花,酒花的香氣與龍眼蜜的清新,層次分明。發酵後殘留蜜糖的微甜加上不太薄身的酒體,營造出一點像甜酒的感覺。


水果蜂蜜酒:可以細分為加入蘋果嘅Cyser,葡萄嘅Pyment,莓類嘅Berry Mead,核果嘅Stone Fruit Mead又或者其他水果嘅Melomel。


瘋啤 - 山楂蜂蜜酒

另一款加入了童年回憶的蜂蜜酒,山楂餅加上蜂蜜。今次不用配上中藥而是酒精。山楂的莓味酸酸甜甜,加入蜂蜜的清香,是不錯亦創意十足的配搭。


香料蜂蜜酒:通常會加入唔同嘅香料香草,甚至蔬菜都得。


特色蜂蜜酒:加入麥芽嘅Braggot,一啲歷史上流傳落嚟嘅配方Historical Mead同404 not found (未能分類)嘅Experimental Mead。


吹啤啤 - 單眼佬話梅蜂蜜酒

釀酒師加入香港傳統果脯 - 話梅,這組合帶出了甜、酸和鹹味,口味鹹濕有趣豐富。


正正因為釀酒師可以選擇數唔盡嘅蜂蜜種類同原材料創造別樹一格嘅配方,所以每一款唔同嘅蜂蜜酒都擁有非常獨特的外觀、香氣、味道同口感。


#手工啤酒 #精釀啤酒 #蜂蜜酒 #瘋啤 #城釀 #吹啤啤 #單眼佬蜂蜜酒

62 views0 comments

Recent Posts

See All