​關於我們

「缸門直出」顧名思義,即於酒廠的酒缸直接斟出嚟飲用的意思。手工啤酒剛剛釀好或者conditioning完,永遠都係最新鮮最好飲。

缸門直岀 Straight From The Tank (1).jpg

本地「酒廠新鮮」手工啤酒

手工啤酒行內人可能覺得喺啤酒廠飲到最新鮮手工啤酒,又或者外國人會去brewpub飲新鮮釀好嘅啤酒,係一件非常普遍簡單嘅事。但係喺香港由於租金同埋牌照上各種因素嘅影響,我哋好難會喺香港見到有類似外國嗰種brewpub。再講,唔係每一個人都有時間去參觀酒廠同係廠試酒, 所以好多人都未必真係接觸過我哋所謂「酒廠新鮮」手工啤酒。

 

不論支裝定生啤,啤酒廠出貨去零售店或者酒吧之後,基於種種不同因素,例如運輸,溫度同埋存放嘅外在環境影響,都會影響釀酒師原本希望呈現的手工啤酒味道, 好令質素降低。

#今朝有酒今晚飲 #香港手工啤酒